Mach emol Urlaub in moim Seelegaade

Des is sozusaache en Seelegaade-Reisefiehrer vun re ganz bsonnere Art. Do geb isch därr e paar Tibbs, wie de leischder durschs Lewe kummschd! Wie de mit Quertreiwer umgehe kannschd. Wie de se zur Ressong bringschd ohne viel Geläärschs. Do kriggt so mansch ääner regelreschd Regatt! Her, der schdeht schdramm wie en Schdegge! Selbschd die schduurschde Dabbschädel, die bleedschde Kieh, Rieweniggel, Dollbohrer un Wolldowe kummen mit emme blooe Aag devun un missen zugewwe: Die Lieb isses Beschde, was emme Menschekind hot bassiere känne! ... Der Seelegaade hot sogar en Schlosspark! Un DO middedrin, DO hoggt de Liewe GOTT uff Soim Goldne Schdiehlsche. Ach, wie schää! Pagg awwer selwärr doin Koffer un gugg emol bei märr vorbei!